ევროპული მოგზაურობის მეოთხე დღეს ევროკავშირის მთავარ საკანონმდებლო ორგანოს, ევროპარლამენტს ვესტუმრეთ.

ევროპარლამენტი ევროკავშირის 7 მთავარი ინსტიტუტიდან ერთ-ერთია. იგი სიდიდით მეორე დემოკრატიული წარმომადგენლობითი ორგანოა მსოფლიოში: 400 მილიონამდე ადამიანის მიერ არჩეული 705 წევრით.

ევროკავშირის წევრი 27 ქვეყნის ხმა ევროპარლამენტში მოსახლეობის პროპორციულად იყრის თავს. მაგალითად, კვიპროსს, მალტასა და ლუქსემბურგს 6-6, ხოლო გერმანიას 96 არჩეული წევრი წარმოადგენს.

ევროპარლამენტში გარემოს დაცვის კომიტეტის წარმომადგენლებს შევხვდით, რომლებთანაც ევროკავშირის მწვანე პოლიტიკაზე ვისაუბრეთ. განვიხილეთ ის ნაბიჯები, რასაც წევრი სახელმწიფოები ეკოლოგიის დასაცავად და კლიმატის ცვლილების შესაჩერებლად დგამენ.